اسلام آباد(نامہ نگار،این این آئی) وفاقی حکومت نے ہائیر ایجوکیشن کمیشن (ایچ ای سی) کی خودمختاری ختم کر دی ہے اوروفاقی کابینہ نے کمیشن کو باقاعدہ وزارت تعلیم کے ماتحت کرنے کے آرڈیننس کی منظوری دے دی ہے ۔ آرڈیننس کے مطابق آئندہ ایچ ای سی کے تمام فیصلے وزارت تعلیم کی منظوری سے مشروط ہونگے ۔صدرمملکت کی جانب سے آج آرڈیننس کی منظوری دیئے جانے کا امکان ہے ۔خیال رہے کہ ایچ ای سی کے تمام سابق سربراہان نے ماضی میں خودمختاری کو محدود کرنے کی ایسی کوششوں کی مخالفت کی تھی۔