سڈنی ( نیٹ نیوز)رگبی لیگ کے 20 سالہ نوجوان سٹار کیتھ ٹیٹمس کے اچانک انتقال نے ان کے مداحوں کو غمزدہ کر دیا۔مینلے ورنگاہ سی ایگلز کلب کے مطابق نوجوان سٹارکیتھ ٹیٹمس کے سڈنی میں تربیتی سیشن کے دوران اچانک پیٹ میں مروڑ ہوئی۔پیٹ میں مروڑ کے باعث 20 سالہ کیتھ ٹیٹمس کو فوراً ہسپتال منتقل کیا گیا لیکن وہ دم توڑ گئے ۔رگبی لیگ کے سٹار کے اچانک انتقال نے ان کے مداحوں کو غمزدہ کر دیا ہے ۔انتہائی پھرتیلے اور مضبوط جسم کے مالک کیتھ ٹیٹمس کی ناگہانی موت پر سپورٹس شخصیات کی جانب سے بھی خراج عقیدت پیش کیا جا رہا ہے ۔