ڈی جی خان (یعقوب بزدار سے )سابق وزیر داخلہ بلوچستان میر سرفراز بگٹی نے کہا ہے کہ بلوچستان میں دشمن ناکام ہوچکا ، سی پیک بلوچستان کا مستقبل ہے ،صرف بلوچستان سے ہی نہیں، ہزاروں کی تعداد پاکستان کے باسی روزگار کیلئے بلوچستان آرہے ہیں، آج کے بلوچستان اور پانچ سال پہلے کے بلوچستان میں آسمان زمین کا فرق ہے ، امن کیلئے پاک فوج، ایف سی و دیگر اداروں کی خدمات بلوچستان میں مثالی رہیں۔ روزنامہ 92 نیوز سے خصوصی گفتگو کرتے سابق وزیر داخلہ بلوچستان نے کہا الیکشن میں عوامی عدالت میں اپنا حساب دینے کو تیار ہیں۔