نئی دہلی (نیٹ نیوز)کورونا وائرس کی اس نازک صورتحال کے باوجود شادی کی تقریبات میں کمی نہیں آسکی، شادیاں تو ہونی ہیں پھر چاہے ماسک پہن کے تقریب میں شرکت کی جائے یا ماسک اتار کر۔جہاں خواتین موجود ہوں تو وہاں فیشن کی کوئی کمی نہیں ہوتی، اسی حوالے سے انڈین پولیس آفیسر دیپانشو کبرا نے اپنے ٹوئٹر اکاؤنٹ سے ایک خاتون کی تصویر شیئر کی جن کو زیور اس حد تک پسند ہے کہ انہوں نے ماسک کے اوپر ہی جیولری پہن لی۔دیپانشو کبرا نے یہ تصویر جیولری جگاڑ کے ہیش ٹیگ کیساتھ شیئر کی۔خاتون نے نتھنی کو ماسک کے اوپر ہی سیٹ کر لیا جسے دیکھنے والا ہر شخص مسکرا اٹھا۔اس حوالے سے ٹوئٹر صارفین کے دلچسپ تبصروں کی بھی لائن لگ گئی۔ایک صارف کا کہنا تھا لپ سٹک کا بھی کوئی جگاڑ ہونا چاہیے ۔ ارجن کے مطابق ایسا صرف بھارت میں ہی ہوتا ہے ۔راجیش مدراس نے خاتون کو جیولری کا شوروم قرار دیدیا۔