لاہور(اپنے سٹاف رپورٹر سے )چیئرپرسن چائلڈ پروٹیکشن اینڈ ویلفیئر بیورو پنجاب سارہ احمد کا کرونا وائرس کے خطرے کے پیش نظر بھکاری بچوں کے والدین کے لئے پیغام میں کہا ہے کہ کورونا وائرس بچوں اور بڑوں دونوں کو متاثر کرتا ہے ۔ وہ افراد جنہوں نے بچوں سے بھیک منگوانے کو بطور ذریعہ معاش بنایا ہے وہ اس وقت ہوش کے ناخن لیں۔بچے گھر سے باہر سڑکوں پر غیر محفوظ ہیں ان کو گھر پر رکھیں تاکہ وہ کورونا وائرس سے محفوظ رہیں۔ انہوں نے شہریوں سے درخواست کی کہ ان بچوں کو اس مشکل گھڑی میں بھیک دے کر ان کی حوصلہ افزائی مت کریں۔ اس طرح ان کا سڑکوں پر بھیک مانگنا نہ صرف ان بچوں کیلئے بلکہ دوسے بے شمار افراد کیلئے خطرناک ہے ۔