راولپنڈی ( اپنے رپورٹر سے ) مرکزی انجمن تاجران راولپنڈی کے نائب صدر ، انجمن تاجران کری روڈ کے صدر سردار ثاقب نسیم نے کہا ہے کہ تاجر دشمن بجٹ اور مہنگائی کے سیلاب کیخلاف 13جولائی کو تمام تاجر شٹر ڈاون ہڑتال کریں گے ۔ تمام تجارتی سرگرمیاں معطل رہیں گی اور تاجر برادری اپنے اتفاق و اتحاد سے حکومت کو پیغام دے گی کہ تاجر دشمن پالیسیوں کو واپس لیاجائے ۔ حکومت نے اپنی پالیسیوں سے ایسا ماحول بنا دیا ہے کہ کاروبار جاری رکھنا مشکل ہو گیا ہے ۔تاجر تمام ٹیکس ادا کرنے کیلئے ہیں لیکن ٹیکس وصولی کے نظام میں اصلاح اور بہتری لانے کی اشد ضرورت ہے ۔تاجروں پر مختلف قسم کے ٹیکسز لگانے کے بجائے فکس ٹیکس لگایاجائے تاکہ تاجر برادری میں ابہام دور ہوسے ۔ ان خیالات کا اظہار انہوں نے تاجروں سے خطاب میں کیا۔