لاہور(لیڈی رپورٹر) ہدایت کار عاصم عباسی کی ویب سیریز ’’چڑیلز‘‘ لانچ ہونے کو تیارہے ۔عام طور پر ڈراموں اور فلموں میں خواتین کو کمزور کرداروں میں دکھایا جاتا ہے ، تاہم جلد ہی ریلیز ہونے والی پاکستانی ویب سیریز ’’چڑیلز‘‘ میں خواتین کو قدرے مضبوت اور منفرد کرداروں میں دکھایا گیا ہے ۔ہدایت کار عاصم عباسی کی ویب سیریز ’’چڑیلز‘‘ایک سنسنی خیز سیریزہے جو 4 خواتین کی زندگی پر مبنی ہے جن پر مردوں نے ظلم کیا تھا جو بعد میں اس ظلم کے خلاف کھڑی ہو گئیں۔’ ’چڑیلز‘‘ میں مہربانو،، یسری رضوی، ثروت گیلانی اور نمرہ بچا اداکاری کے جوہر دکھائیں گی۔’’چڑیلز‘‘ کی شوٹنگ گزشتہ سال شروع کی گئی تھی ۔ اس سیریزکا پہلا ٹریلر اکتیس جولائی کو دکھایا جائے جبکہ سیریز کا باقاعدہ آغاز ۱۱ اگست کو ہو گا۔