ممبئی ( نیٹ نیوز) بالی ووڈ کے ورسٹائل اداکار نوازالدین صدیقی کے خلاف بھارت کے سابق وزیر اعظم کے لیے نامناسب الفاظ استعمال کرنے پر مقدمہ درج کرلیا گیا۔بھارتی میڈیا کے مطابق اداکار نوازالدین صدیقی اورسیف علی خان ان دنوں بھارت کی پہلی نیٹ فلیکس اوریجنل ویب سیریز’’سیکرڈ گیمز‘‘میں کام کررہے ہیں، یہ سیریز شہر میں ہونے والے جرائم، سیاست اور کرپشن سے متعلق ہے جس میں دکھایا جائے گا کہ یہ تمام جرائم کس طرح معیشت کو نقصان پہنچارہے ہیں ۔رپورٹس کے مطابق ’’سیکریڈ گیمز‘‘کی 6 جولائی کو نشر ہونے والی قسط میں نوازالدین صدیقی نے سابق بھارتی وزیر اعظم راجیو گاندھی کے لیے نامناسب الفاظ استعمال کرتے ہوئے انہیں’’فٹو‘‘ کہا تھا جس کے باعث انکے خلاف مقدمہ درج کیا گیا ہے ۔ مقدمہ مغربی بنگال کے کانگریس کمیٹی کے رکن راجیو سنہا نے درج کرایا جس میں موقف اختیار کیا گیا ہے کہ سیریز کے پروڈیوسر اور نیٹ فلیکس نے سابق وزیراعظم کی شخصیت بگاڑنے کی کوشش کی ہے اس کے علاوہ سیریز میں حقائق کو غلط انداز میں پیش کیاگیا ہے ۔