واشنگٹن، نیو یارک (این این آئی، آ ن لا ئن )اقوام متحدہ کی سکیو رٹی کونسل نے طالبان کے موسم بہار کی جارحانہ کارروائیوں کی متفقہ طور پر مذمت کرتے ہوئے کہا ہے کہ اس اقدام کا نتیجہ 'صرف افغان عوام کیلئے مزید غیر ضروری مصائب اور تباہی کی صورت میں نکلے گا ۔ ایک مشترکہ اعلامیے میں 15 رکنی یو این ایس سی نے زور دیا کہ تنازع کے تمام فریقین انٹرا افغان مذاکرات اور بات چیت شروع کرنے کے لیے موقع کا فائدہ اٹھائیں تاکہ اس کا نتیجہ سیاسی حل کی صورت میں نکلے ۔