اسلام آباد(نیٹ نیوز) عالمی جریدے فارن پالیسی نے وزیراعظم عمران خان کے دور اقتدار کے حوالے سے بڑی پیشگوئی کردی۔عالمی جریدے میں شائع مضمون میں کہا گیا ہے کہ وزیراعظم عمران خان کہیں نہیں جارہے ۔مضمون میں پیشگوئی کی گئی کہ عمران خان اقتدار کی مدت پوری کرنے والے پاکستان کے پہلے وزیراعظم بن سکتے ہیں۔عالمی جریدے میں میں کہا گیا کہ ملک کی سیاسی صورتحال پر کسی کا خیال ہے کہ ’سیاسی طوفان آخر کار حکومت کو ختم کردے گا‘ تو کوئی پارلیمانی نظام کے بجائے عبوری انتظامیہ کا دعویٰ کررہا ہے ۔جریدے نے مزید کہا ہے کہ عمران خان کی کچھ سیاسی غلطیوں کے باعث ممکن ہے کہ اپوزیشن جماعتوں کو کچھ امید پیدا ہوئی ہو لیکن ان کے پاس عمران خان کو ہٹانے کیلئے بڑے پیمانے پر عوامی تحریک چلانے کا حوصلہ نہیں ، بینظیر بھٹو کے بعد عمران خان پاکستان کا سب سے زیادہ کرشماتی شخصیت والا لیڈر ہے ، منطقی طور پر ابھی تک عمران خان کا کوئی متبادل موجود نہیں ، نہ پی ٹی آئی کے اندر اور نہ اپوزیشن جماعتوں میں۔