سرینگر(کے پی آئی) مقبوضہ کشمیر کی سابق وزیر اعلی محبوبہ مفتی نے کہا ہے بھارتی حکومت جے شری رام کے نعرے لگوا کر جموں و کشمیر کو بھارت میں ضم کرنے کی پالیسی اپنا رہی ہے ۔ اپنے ٹویٹ میں محبوبہ مفتی نے کہا فوجی اہلکار نیم شب کو لوگوں کو گھروں سے گھسیٹ کر باہر نکالتے ہیں اور انہیں زدوکوب کرتے ہیں، ان بیگناہ لوگوں کو جے شری رام کے نعرے لگانے پر مجبور کرتے ہیں۔ ایسا لگتا ہے اب جموں و کشمیر کو بھارت میں ضم کرنے کیلئے ایسا کرنا بھارتی حکومت کا وژن ہے ۔