سرگودھا (این این آئی) بابائے صحافت، تحریک پاکستان کے سرگرم ر ہنما اور جدید صحافت کو فروغ دینے والے مولانا ظفر علی خان کی 64 ویں برسی کل 27 نومبر کوملک بھر میں عقیدت و احترام کیساتھ منائی جائیگی، ملک بھرکے مختلف پریس کلبوں اور صحا فتی تنظیموں کے زیر انتظام مولانا ظفر علی خان کی برسی منانے کیلئے تقریبات کا انعقاد کیا جائیگا اور خراج عقیدت پیش کیا جائیگا ۔ مولانا ظفر علی خان 1873ء کو ضلع سیالکوٹ کے گاؤں کوٹ میرٹھ میں پیدا ہوئے ، آپ نے شعبہ صحافت میں نمایاں خدمات انجام دیں، اپنے قلم کے زور پر تحریک پاکستان میں اپنا بھرپور کردار ادا کیا ۔آپ 27 نومبر 1956ء میں لاہور میں انتقال کرگئے ۔