واشنگٹن( بیورو رپورٹ ) امریکی صدر ڈونلڈ ٹرمپ نے ریاست لوزیانہ میں انتخابی ریلی سے خطاب کرتے ہوئے کہا ہے کہ کرپٹ اور نااہل ڈیموکریٹس انہیں صدارت کے عہدے سے ہٹانا چاہتے ہیں ۔ ڈیموکریٹس امریکہ میں جمہوریت کیلئے خطرہ بنتے جا رہے ہیں۔ امریکہ میں غیر قانونی رہائش پذیر اور کریمینل لوگوں کے خلاف گھیرا تنگ کیا جا رہا ہے ۔ آن لا ئن کے مطابق ٹرمپ نے اپنے ٹویٹر پیغام میں لکھا ہے کہ ترک صدر نے البغدادی کی اہلیہ اور دیگر اہل خانہ کی گرفتاری کی خبر دی ہے اور میں 13 نومبر کو وائٹ ہاوس میں ان سے ملاقات کا بے چینی سے منتظر ہوں۔