وہاڑی (ڈسٹرکٹ رپورٹر) وہاڑی شہر کے بالکل وسط میں واقع مسلم ٹاؤن میں پچھلے پچاس سال سے گندے پانی کا جوہڑ موجود ہے گٹروں کے اس گندے پانی نے رہائشی آبادی کو گھیرا ہوا ہے ۔سیوریج کے اس گندے پانی کے جوہڑ میں گر کر متعدد افراد زخمی اور کئی قیمتی جانیں ضائع بھی ہوچکی ہیں جبکہ یہ آلودہ پانی پینے والے پانی کو بھی آلودہ کرچکا ہے جس کے استعمال سے اہل علاقہ خطرناک وبائی امراض کا شکار ہوچکے ہیں جبکہ اس گندے پانی پر مکھیوں اور مچھروں کا راج ہے جس سے ملیریا، ہیپاٹائیٹس سمیت دیگر امراض بھی تیزی سے پھیل رہے ہیں جس پر اہل علاقہ کے مکینوں ڈاکٹر شاہد رفیق، مجاہد اقبال، محمدآصف، محمد اکرم، محمد اسلم، رمضان مغل، حسن اقبال، بابا ماکھا، مشتاق احمد، محمد عالم، محمد اعظم، محمد شفیق، بلال، نسرین بی بی، سلمی بی بی، رضعیہ بی بی، راشد محمود، علی حمزہ، محمد فاروق، احتجاج کرتے ہوئے اعلی حکام سے نوٹس لینے کا مطالبہ کیا ہے ۔