لاہور،پشاور(جنرل رپورٹر،خبر نگار)پنجاب میں 28جبکہ خیبرپختونخوا میں مزید 17افراد ڈینگی وائرس کا شکار ہوگئے ۔تفصیل کے مطابق راولپنڈی میں 12، لاہور 10 ، ملتان02، فیصل آباد، گوجرانوالہ،سرگودھا اور سیالکوٹ میں 01،01 ،پشاور میں 4، نوشہرہ میں 2، سوات 3، بونیر ایک، دیر لوئر2، صوابی ایک، ہری پور ایک اور کوہاٹ میں ایک شخص میں ڈینگی وائرس کی تشخیص ہوئی ہے ۔گزشتہ روز پنجاب میں ڈینگی لاروا کی موجودگی اور غفلت برتنے پر22کمرشل مقامات کے خلاف مقدمات درج کیے گئے جبکہ 2افراد کو گرفتار کیا گیا۔