لاہور(جنرل رپورٹر) پنجاب یونیورسٹی دوبارہ کھلتے ہی کورونا کا ایک کیس سامنے آ گیا ہے ۔ تفصیل کے مطابق پیر کے روز سے پنجاب یونیورسٹی میں ٹیچنگ اور نان ٹیچنگ سٹاف کو بلایا گیا تھا اور ایک دن بعد ہی سنٹر فار سائوتھ ایشین سٹڈیز کے اسسٹنٹ لائبریرین حافظ ثاقب الرحمٰن کورونا ٹیسٹ مثبت آگیا۔یونیورسٹی انتظامیہ کی جانب سے ٹیچنگ اور نان ٹیچنگ سٹاف کو 11 جنوری سے حاضری یقینی بنانے کے احکامات تھے ۔اسسٹنٹ لائبریرین حافظ ثاقب الرحمٰن نے خود کو گھر میں قرنطینہ کر لیا،تاہم انکا کورونا ٹیسٹ مثبت آنے پر دیگر ملازمین میں تشویش پائی جانے لگی۔ قبل ازیں بھی یونیورسٹی کے کئی ملازمین کا کورونا ٹیسٹ مثبت آ چکا ہے ۔