اسلام آباد(خبر نگار)کورونا وائرس سے متاثرہ وکیل سپریم کورٹ میں پیش ہونے پر کمرہ عدالت نمبر ایک میں کھلبلی مچ گئی۔بیرسٹر ڈاکٹر عدنان خان مقدمے کی پیروی کے لئے روسٹرم پر آئے اورچیف جسٹس کو بتایا کہ مجھے کورونا ہے لیکن آپکی عدالت میں پیش ہو رہا ہوں۔وکیل کے انکشاف پر کمرہ عدالت میں کھلبلی مچ گئی جبکہ چیف جسٹس گلزار احمد نے کرونا کے شکار وکیل سے مکالمہ کرتے ہوئے پوچھا آپ عدالت میں کیوں آئے ؟ دوسروں کی زندگیوں سے کھیل رہے ہیں۔بیرسٹر عدنان خان نے جواب دیا آج ہائیر یجوکیشن کے لیکچررز کااہم کیس لگا ہوا تھا اس لیے آ گیا۔چیف جسٹس نے وکیل سے کہا اپنے دلائل تحریری طور پر دے دیں اور آپ فورا ًکمرہ عدالت سے چلے جائیں۔عدالت کی ہدایت کے بعد وکیل بیرسٹر ڈاکٹر عدنان خان کمرہ عدالت چھوڑ کر چلے گئے ۔