لاہور(شوبز ڈیسک) نامور اداکارہ ماہ نور بلوچ نے کہا ہے کہ یہ تاثر قطعی غلط ہے کہ میں نے شوبزسے مکمل کنارہ کشی اختیار کر لی ہے ، بعض نا گزیر مصروفیات کی وجہ سے آپ کو کچھ چیزون کو ترجیح دینا پڑتی ہے اور میرے ساتھ بھی ایسا ہی ہے ۔ ایک انٹر ویو میں انہوں نے کہا کہ جیسے ہی مصروفیت کم ہوں گی اپنے شعبے میں کا م کرتے ہوئے نظر آئوں گی ، تھوڑا وقفہ آ جاناکوئی اچنبھے کی بات نہیں ۔انہوں نے کہا کہ مجھے فلم کی نسبت ڈرامے میں کام کرنازیادہ اچھا لگتا ہے اس لئے ہمیشہ یہی کوشش کی کہ اپنے پرستاروں کو ٹی وی سکرین پر ہی نظر آئوں ۔