کرائسٹ چرچ (اسپورٹس ڈیسک) ڈیون کونوے کی 99 رنز کی ناقابل شکست اننگز کی بدولت نیوزی لینڈ نے آسٹریلیا کو 53 رنز سے شکست دے کر 5 ٹی ٹونٹی میچوں کی سیریز میں 1-0 کی برتری حاصل کرلی۔ آسٹریلیا نے ٹاس جیت کر نیوزی لینڈ کو بیٹنگ کی دعوت دی۔ میزبان ٹیم نے مقررہ اوورز میں 5 وکٹوں پر 184 رنز بنائے ۔ڈیون کونوے نے 59 گیندوں پر تین چھکوں اور 10 چوکوں کی مدد سے 99 ناٹ آؤٹ رنز کئے ۔ ڈیبیو کھلاڑی گلین فلپس نے 30 اور جیمز نیشام نے 26 رنز بنائے ۔ جواب میں آسٹریلیا کی ٹیم 17.3 اوورز میں 131 رنز بناکر آؤٹ ہوگئی ۔ ایش سوڈھی نے 4 وکٹیں لیں۔ ڈیون کونوے کو پلیئر آف دی میچ قرار دیا گیا۔ دوسرا ٹی ٹونٹی جمعرات کو ڈونیڈن میں کھیلا جائے گا۔