2 9 A M A N Z O R

g n i d a o l

آئینی ترمیم کے حق میں ووٹ دینے والا اسٹیبلشمنٹ کا آلہ کار تصور ہو گا:حافظ نعیم

12-10-2024

لاہور(پ،ر)امیر جماعت اسلامی حافظ نعیم الرحمٰن نے کہا ہے آئینی ترمیم کے حق میں ووٹ دینے والا اسٹیبلشمنٹ کا آلہ کار تصور ہو گا،حکومت، فوج اور شریف فیملی کی ملکیتی آئی پی پیز کے معاہدے فوری ختم کیے جائیں، وزیراعظم شہباز شریف پانچ آئی پی پیز معاہدوں کے خاتمہ سے ہونے والی411ارب کی بچت کا آئندہ ماہ سے بلوں میں عوام کو ریلیف دینے کا اعلان کریں، ایسا نہ ہوا تو تصور کیاجائے گا کہ معاہدوں کا خاتمہ کوئی اور ٹارگٹ پورا کرنے کے لیے کیا گیا، 17آئی پی پیز سے بات چیت مکمل کی جائے ، جماعت اسلامی راولپنڈی معاہدہ پر عمل درآمد کرائے گی، سپریم کورٹ سے متعلق مجوزہ آئینی ترمیم آئین پر حملہ ہے ، اپوزیشن اسے مکمل مسترد کرے ۔ گجرات میں جلسہ عام سے خطاب کرتے ہوئے ان کاکہناتھا مٹھی بھر اشرافیہ وسائل پر 77برس سے قابض ہے ، عوام اس کے خلاف فیصلہ کن لڑائی کے لیے تیار ہو جائیں،31اکتوبر تک ممبر شپ کمپین جاری رہے گی، جماعت اسلامی کے کارکنان ٹارگٹ پورا کریں، بڑی اور چومکھی لڑائی کے لیے ٹیم بھی بڑی چاہیے ، 3نومبر کو پورے پاکستان میں بنوقابل پروگرام کا آغاز ہو گا، 10لاکھ نوجوانوں اور اساتذہ کو فری آئی ٹی ٹریننگ دیں گے ، نصاب بھی تیار کریں گے ،فوجی اور سول بیوروکریسی اپنی مراعات ختم کرے ، حکمران طبقہ کی عیاشیوں کا بوجھ عوام نہیں اٹھا سکتے ، جماعت اسلامی تحریک نہ چلاتی تو آئی پی پیز کی لوٹ مار جاری رہتی، کوئی روٹی، کپڑا اور مکان اور کسی نے نیا پاکستان کے نام پر قوم کے ارمانوں کا خون کیا، اردگرد اے ٹی ایم کھڑے کر کے انقلاب نہیں لایا جا سکتا، لیڈر جیل میں گیا تو پارٹی تتر بتر ہو گئی، ایک صاحب کے پی ہاؤس میں غروب ہوتے اور کے پی اسمبلی میں طلوع ہو جاتے ہیں، یہ طلوع و غروب کا ڈرامہ مزید نہیں چلے گا، عوام سب جانتے ہیں، جنرل (ر) باجوہ کی ایکسٹینشن پر پی ٹی آئی، ن لیگ، ق لیگ، پی پی سمیت سب ایک تھے ، جماعت اسلامی نے ووٹ نہیں دیا۔چیف جسٹس قاضی فائز عیسیٰ خود ہی اعلان کریں کہ وہ آئینی ترمیم آنے یا نہ آنے دونوں صورتوں میں ریٹائرڈ ہو جائیں گے ، چیف جسٹس منصور علی شاہ کی تقرری کا نوٹیفکیشن جاری کیا جائے ۔