بنگلہ دیش کا بھارت سے انٹرنیٹ سروس معاہدہ منسوخ

ڈھاکہ (این این آئی)بنگلہ دیش نے بھارت سے انٹرنیٹ سروس معاہدہ منسوخ کردیا۔شمال مشرقی ریاستوں کو بینڈوتھ کی فراہمی کے لیے ٹرانزٹ پوائنٹ کے طور پر کام کرنے کے منصوبے کو ختم کرنے کا فیصلہ کیا گیا تھا ،انٹرنیٹ سرس کی فراہمی سست روی کا شکار ہونے کا امکان ہے ،بھارت کے بنگلہ دیش کے ساتھ معاہدے کا مقصد شمال مشرقی خطے کے دوردراز علاقوں میں ڈیجیٹل رابطے کو بڑھانا تھا، اقتصادی طورپر کوئی فائدہ نہ ہونے کے سبب منسوخ کیاگیا۔میڈیا رپورٹ کے مطابق بنگلہ دیش کی عبوری حکومت نے بھارت کے ساتھ انٹرنیٹ بینڈوتھ ٹرانزٹ معاہدہ منسوخ کردیا۔بنگلہ دیشی انٹرنیٹ ریگولیٹر نے بھارت کی شمال مشرقی ریاستوں کو بینڈوتھ کی فراہمی کے لیے ٹرانزٹ پوائنٹ کے طور پر کام کرنے کے منصوبے کو ختم کرنے کا فیصلہ کیا ہے ۔بنگلہ دیشی وزارت ٹیلی کام کا کہنا ہے اقتصادی طورپر اس معاہدے سے کوئی فائدہ نہ ہونے کے سبب اسے منسوخ کیاگیا۔ بھارت کے بنگلہ دیش کے ساتھ معاہدے کا مقصد شمال مشرقی خطے کے دوردراز علاقوں میں ڈیجیٹل رابطے کو بڑھانا تھا۔بنگلہ دیش کے اس اقدام سے بھار ت کی شمال مشرقی ریاستوں میں انٹرنیٹ کی فراہمی سست ہوجائے گی۔