بھارت :گاندھی کی جگہ انوپم کھیر کی تصویروالے جعلی نوٹ

ممبئی(نیٹ نیوز) بھارت میں مہاتما گاندھی کے بجائے بالی ووڈ اداکار انوپم کھیر کی تصویر والے ایک کروڑ30 لاکھ کے جعلی کرنسی نوٹ برآمد کرلیے گئے ۔ ریاست گجرات کے شہر احمد آباد میں پولیس نے ایک کروڑ 30 لاکھ کے کرنسی نوٹ برآمد کیے جن پر مہاتما گاندھی کے بجائے بالی ووڈ اداکار انوپم کھیر کی تصویر چھپی ہوئی تھی۔ جعلی نوٹوں پر ‘ ریزرو بینک آف انڈیا’ کے بجائے ‘ریزول بینک آف انڈیا’ درج تھا۔سوشل میڈیا پر وائرل ویڈیو میں 500 روپے کے نوٹ پر مہاتما گاندھی کے بجائے انوپم کھیر کی تصویر دیکھی جاسکتی ہے ۔ انوپم کھیر نے جعلی نوٹوں کی وائرل ویڈیو شئیرکرتے ہوئے لکھا 500 روپے کے نوٹ پر گاندھی جی کے بجائے میری تصویر۔۔ کچھ بھی ہوسکتا ہے ۔