جوبائیڈن اور ٹرمپ پھر آمنے سامنے ،ایک دوسرے پر سیلاب متاثرین کے پیسے چرانے کاالزام

واشنگٹن (این این آئی )امریکی صدرجوبائیڈن اور ٹرمپ پھر آمنے سامنے آگئے ایک دوسرے پر سیلاب متاثرین کے پیسے چرانے کاالزام لگادیا۔جوبائیڈن کا کہنا ہے کہ وائٹ ہاؤس پر طوفان متاثرین کی رقم چرا کر دستاویز نہ رکھنے والے امیگرینٹس پر خرچ کرنے کا ٹرمپ کا الزام بے بنیاد ہے ،غیرملکی میڈیا رپورٹس کے مطابق امریکا کے صدر جو بائیڈن نے سابق امریکی صدر اور ری پبلکن پارٹی کے صدارتی امیدوار ڈونلڈ ٹرمپ کو جھوٹا قرار دے دیا۔جو بائیڈن نے اپنے ایک بیان میں کہا کہ ٹرمپ کاالزام جھوٹا ہے کہ وائٹ ہائوس نے طوفان سے متاثرین کی رقم چرا کر دستاویز نہ رکھنے والے امیگرینٹس پر خرچ کردی ہے ۔جو بائیڈن نے دعوی کیا کہ یہ کام خود ٹرمپ نے کیا تھا۔امریکی صدر کا کہنا تھا کہ سیلاب سے متاثرہ ریاستوں میں ہر ممکن امداد پہنچائی جارہی ہے ۔ علاوہ ازیں نیٹ نیوز کے مطابق امریکی صدر جو بائیڈن اور سابق صدر و ری پبلکن پارٹی کے صدارتی امیدوار ڈونلڈ ٹرمپ ایک بار پھر آمنے سامنے آگئے ،امریکی صدر جوبائیڈن نے سابق صدر ڈونلڈ ٹرمپ کو جھوٹا قرار دے دیا۔غیرملکی میڈیا رپورٹس کے مطابق جو بائیڈن کا اپنے ایک بیان میں کہنا تھا کہ وائٹ ہاؤس پر طوفان متاثرین کی رقم چرا کر دستاویز نہ رکھنے والے امیگرینٹس پر خرچ کرنے کا ٹرمپ کا الزام بے بنیاد ہے ۔جو بائیڈن نے دعویٰ کیا کہ یہ کام خود ٹرمپ نے کیا تھا، سیلاب سے متاثرہ ریاستوں میں ہر ممکن امداد پہنچائی جارہی ہے ۔واضح رہے کہ امریکا کی 6 ریاستوں میں طوفان اور سیلاب سے ہلاکتوں کی تعداد 223 تک پہنچ گئی ہے جبکہ سینکڑوں افراد لاپتا ہیں۔یاد رہے کہ سابق امریکی صدر ٹرمپ نے الزام عائد کیا تھا کہ وائٹ ہاؤس نے طوفان متاثرین کی رقم چرا کر دستاویز نہ رکھنے والے امیگرینٹس پر خرچ کردی ہے ۔