نان فائلر40 لاکھ سے زائد مالیت کی جائیداد خریدسکے گا نہ گاڑی ر جسٹرڈکرا سکے گا

اسلام آباد(نمائندہ خصوصی ،اے پی پی) نان فائلرزکو40 لاکھ روپے سے زائد مالیت کی جائیداد خریدنے کی اجازت نہیں ہوگی۔ کوئی بھی ایسا شخص جو فائلر نہیں ہو گا وہ نہ تو مقامی طورپر تیار ہونے والی نئی گاڑی خرید سکے گا اور نہ ہی کسی امپورٹڈ گاڑی کی رجسٹریشن کرا سکے گا۔ جمعہ کو قومی اسمبلی میں پیش کئے گئے فنانس بل 2018ء میں 227سی کے نام سے نئی سیکشن شامل کرنے کی تجویز دی گئی ہے جس کے مطابق ایکسائز اینڈ ٹیکسیشن ڈیپارٹمنٹ کی گاڑیاں رجسٹرڈ کرنے والے حکام، گاڑیاں بنانے والی کمپنیاں، نان فائلر کی مقامی سطح پر تیار ہونے والی نئی گاڑی کی رجسٹریشن یا امپورٹڈ گاڑی کی رجسٹریشن کی درخواست پر عملدرآمد نہیں کریں گے ۔ اس کے علاوہ نان فائلر کی غیر منقولہ جائیداد کی رجسٹریشن ٹرانسفر کیلئے دی جانے والی درخواست پر اس وقت غور نہیں کرے گی جب تک وہ فائلر نہ بن جائے ۔