ٹیبل ٹینس ٹیم کو ایئر پورٹ پر روک لیا

لاہور(سپورٹس،نیوزرپورٹرز) پاکستان سپورٹس بورڈ نے ایک مرتبہ پھر لوزان معاہدہ کی خلاف ورزی کرتے ہوئے پاکستان میں غیر قانونی کھیلوں کی تنظیموں کی سپورٹ شروع کر دی ہے جس کی بنا پر پاکستان کی لیگل ٹیبل ٹینس ٹیم کو ورلڈ چیمپیئن شپ میں شرکت سے روک دیا گیا ہے ۔ دوسری جانب پاکستان اولمپک ایسوسی ایشن نے وضاحت کی ہے کہ لوزان معاہدہ کے تحت صرف ان کھیلوں کی تنظیموں کو پاکستان میں مانا جائے گا جس کو پاکستان اولمپک ایسوسی ایشن اور اس کی انٹرنیشنل باڈی تسلیم کرتی ہو۔ پاکستان ٹیبل ٹینس ٹیم کے کھلاڑیوں کو ورلڈ چیمپیئن شپ میں شرکت سے ایئر پورٹ پر روکنا غیر قانونی اقدام ہے۔ جو اولمپک چارٹر کی خلاف ورزی بھی ہے ۔ حکومت کے اس اقدام سے دنیا میں پاکستان خاص طور پر کھلاڑیوں کی بدنامی ہوئی ہے ۔