پاک انگلینڈ ٹیسٹ سیریز کے آن لائن ٹکٹوں کی فروخت شروع

لاہور(سپورٹس رپورٹر) پاکستان انگلینڈ ٹیسٹ سیریز کے آن لائن ٹکٹوں کی فروخت شروع ہو گئی۔ مختلف مراکز میں ٹکٹوں کی فزیکل فروخت چار اکتوبر سے شروع ہوگی۔ پاکستان اور انگلینڈ کے درمیان تین میچوں کی ٹیسٹ سیریز کے ٹکٹ ملنا شروع ہو گئے ۔ شائقین کی سہولت کے لیے فزیکل ٹکٹ 4 اکتوبر سے صبح 9 بجے کے بعد مختلف آؤٹ لیٹس سے خریدنے کے لیے دستیاب ہوں گے ۔یہ سیریز آئی سی سی ورلڈ ٹیسٹ چیمپئن شپ کا حصہ ہے جس کا پہلا اور دوسرا ٹیسٹ میچ 7 سے 19 اکتوبر تک ملتان کرکٹ اسٹیڈیم میں کھیلا جائے گا۔ تیسرا ٹیسٹ میچ 24 سے 28 اکتوبر تک راولپنڈی کرکٹ سٹیڈیم میں کھیلا جائے گا۔ میچ کے مقامات کے باہر باکس میں ٹیسٹ میچوں سے ایک دن پہلے کام کریں گے ۔شائقین کی بڑی تعداد میں آنے کی ترغیب دینے کے لیے ملتان میں دونوں ٹیسٹ میچوں کے پہلے دن جنرل انکلوژرز (حنیف محمد اور مشتاق احمد) کا داخلہ مفت ہوگا جبکہ راولپنڈی ٹیسٹ کے پہلے دن کے لیے پریمیم انکلوژرز (میراں بخش، شعیب اختر، سہیل تنویر اور یاسر عرفات) میں داخلہ بھی مفت ہوگا کم سے کم ٹکٹ پچاس روپے میں اور دو سو روپے میں دستیاب ہیں۔