کالے جادو کا شکار رہا ہوں : فیروز خان کاانکشاف

کراچی (نیٹ نیوز ) مشہور پاکستانی اداکار فیروز خان نے انکشاف کیا ہے کہ وہ کچھ عرصے تک کالے جادوکے اثر میں مبتلا رہے ۔انہوں نے انسٹاگرام پر مختلف سٹوریز کے ذریعے اپنے تجربات شیئر کیے ۔فیروز خان نے بتایا وہ اللہ کے کرم اور رسول اللہ ﷺ کی رحمت سے کالے جادو کے اثر سے باہر نکلنے میں کامیاب ہوئے ۔ان کا کہنا تھا انہوں نے پہلے صرف دوسروں سے اس بارے میں سنا تھا مگر حال ہی میں خود ان علامات کا سامنا کیا جن کا کالے جادو کے شکار افراد کو سامنا ہوتا ہے ۔ انہوں نے آوازیں سننے اور غیر مرئی مخلوق کی موجودگی جیسے تجربات کیے ، جس نے ان کی زندگی پر بُرے اثرات ڈالے ۔ مختلف علماء سے رجوع کرنے اور نماز، قرآنی رقیہ اور درود پاک کے ذریعے اس کا علاج کرایا۔ اس عمل کے دوران ان کا ایمان مزید مضبوط ہوا اور وہ اب ان شیطانی وسوسوں سے نکل چکے ہیں۔