لاہور (جنرل رپورٹر) ترجمان محکمہ صحت نے کہا ہے کہ لاہور میں موجودہ صورتحال،احتجاج اور سکیورٹی کے پیش نظر محکمہ صحت پنجاب نے لاہور میں میڈیسن کی خریداری کے حوالے سے آج ہونے والا پری کوالیفکیشن اجلاس منسوخ کر دیا۔یہ اجلاس ڈائریکٹوریٹ جنرل ہیلتھ سروسز پنجاب کے دفتر میں ہونا تھا۔اس سلسلے میں تمام کمپنیوں اور سٹیک ہولڈرز کو مطلع کر دیا گیا ہے ۔محکمہ صحت میڈیسن کمپنیوں کی پری کوالیفکیشن کا اجلاس اب آئندہ ہفتے بروز منگل 6نومبر دوپہر ایک بجے ڈی جی ہیلتھ آفس میں ہو گا۔