نیوجرسی (نیٹ نیوز) امریکی شخص پر قسمت ایسی مہربان ہوئی کہ اس نے ایک روز میں تین لاٹریاں جیت کر 50 لاکھ ڈالر کی خطیر رقم اپنے نام کرلی۔نیوجرسی کے علاقے ایج واٹر کے رہائشی رابرٹ سٹیوارٹ نے ا یک روز میں تین لاٹریاں جیتیں جو ایک عجیب حسنِ اتفاق ہے اور تینوں لاٹری ٹکٹوں کے بدلے اس نے 50 لاکھ ڈالر اپنے نام کیے ۔اُس وقت رابرٹ کو اس اعلان کی اجازت نہیں تھی اور اب لاٹری کمپنی نے انہیں اپنے انعام کا اعلان کرنے کی اجازت دے دی ہے ۔رابرٹ نے نیوجرسی لاٹری کا ایک ٹکٹ خریدا جس پر 50 لاکھ ڈالر کی رقم نکل آئی اور وہ خوشی خوشی دوبارہ سٹور گئے اور دو ٹکٹ مزید خریدے جس میں 100 اور 500 ڈالر نکل آئے ۔ اس طرح مسلسل تین ٹکٹوں پر انہوں نے تین انعام حاصل کیے ۔اب رابرٹ یہ رقم اپنے خاندان اور اپنے دوستوں کی مدد کیلئے خرچ کریں گے ۔ اس سے قبل وہ زندگی میں پہلے بھی ڈھائی ہزار ڈالر کی رقم جیت چکے تھے ۔