لاہور(جنرل رپورٹر،92 نیوزرپورٹ)مسلم لیگ ن کے قائد اور سابق وزیراعظم میاں نوازشریف کے بیرون ملک قیام میں توسیع کے معاملہ پر انکی صحت سے متعلق خط جائزہ کیلئے میڈیکل بورڈ کوارسال کردیا گیا۔ذرائع کے مطابق محکمہ صحت نے نوازشریف کے ذاتی معالج ڈاکٹرعدنان کاخط سروسزہسپتال کے سرکاری میڈیکل بورڈکوبھجوادیا۔ نواز شریف کی صحت پر خط شریف میڈیکل سٹی کے لیٹر ہیڈ پر بنا ہوا ہے ۔ میڈیکل بورڈ نواز شریف کی موصول ہونے والی پہلی 2 رپورٹس کو ناکافی ہونے پر مسترد کرچکا ہے ۔