پشاور(نیٹ نیوز) لوئر دیر کے حلقہ پی کے 17 میدان سے تحریک انصاف کے رکن صوبائی اسمبلی اور ضلعی ترقیاتی کمیٹی کے چیئرمین ملک لیاقت علی بی اے کے مطالعہ پاکستان کے پرچے میں نقل کرتے ہوئے پکڑے گئے ۔ترجمان مالاکنڈ یونیورسٹی معراج الدین کے مطابق نقل کے جرم میں یونیورسٹی کمیٹی نے ایم پی اے ملک لیاقت علی کو 17 دسمبر کو طلب کرلیا ۔ترجمان کے مطابق ایم پی اے لیاقت علی گزشتہ ماہ بی اے کے امتحانات میں شریک ہوئے تھے۔