ٹوکیو(ویب ڈیسک ) جاپان میں ایسے ٹماٹر فروخت کیے جارہے ہیں جن کے بارے میں دعویٰ ہے کہ وہ بلڈ پریشر کم کرنے کے علاوہ اچھی نیند میں مددگار ہوتے ہیں اور اضطراب کا خاتمہ بھی کرتے ہیں۔ان ٹماٹروں کو ایک جاپانی کمپنی ’’سناٹیک سیڈ‘‘نے جدید ترین تکنیک ’کرسپر‘ کی مدد سے تیار کیا ۔ان میں ’گیما امائنو بیوٹائرک ایسڈ‘ کہلانے والا ایک مادہ قدرتی طور پر بنتا ہے جو بلڈ پریشر کم کرنے کے ساتھ ساتھ اعصاب کو بھی سکون پہنچاتا ہے ۔