لاہور(جنرل رپورٹر)پرنسپل پوسٹ گریجوایٹ میڈیکل انسٹی ٹیوٹ و امیر الدین میڈیکل کالج پروفیسر محمد طیب نے چارج نرسوں کو کہیں بھی تبادلے کے لئے این او سی جاری کرنے کی اجازت دے دی اور لاہور جنرل ہسپتال کی سابقہ انتظامیہ کی طرف سے لگائی گئی 2سال کی پابندی کو منسوخ کر دیا گیا ہے جس کے بعد کوئی بھی نرس اپنے ہوم ٹاؤن کے نزدیک کام کر سکے گی۔ اس اقدام سے نرسوں کے ساتھ ساتھ اُن کے بچوں اور خاندانوں کے لئے بھی آسانیاں پیدا ہونے کے علاوہ وہ بہتر ماحول میں کام کر سکیں گی ۔