کوئٹہ ( نیٹ نیوز) وزیراعلیٰ بلوچستان جام کمال خان نے اپوزیشن کی احتجاجی تحریک کو نام نہاد قرار دیتے ہوئے اس پر شدید ردعمل کا اظہار کرتے ہوئے کہا ہے کہ ایسے حربوں سے حکومت کو بلیک میل کرنا بھول ہے ۔جام کمال نے کہا اپوزیشن کا احتجاج نہ تو کسی عوامی مسئلہ پر ہے اور نہ ہی کسی تعمیری مقصد کے لئے ، اپوزیشن کا رویہ انتہائی غیر مناسب اور غیر جمہوری ہے ۔انہوں نے کہا حکومت نے ہمیشہ مثبت رویہ رکھا لیکن اپوزیشن کا رویہ قابل برداشت نہیں ۔