پشاور(نیٹ نیوز)خیبرپختونخوا میں میٹرک پاس وزیر کو محکمہ قانون کا اضافی چارج دے دیا گیا ۔ وزیر بلدیات اکبر ایوب خان کو وزیر قانون سلطان محمد خان کے استعفے کے بعد محکمہ قانون کا قلمدان تفویض کیا گیا ہے ۔اکبرایوب کو اس سے قبل گزشتہ سال ضیاء اللہ بنگش کی جگہ وزیر تعلیم بنایا گیا تھا تاہم ان کی تعلیمی قابلیت میٹرک ہونے اورسوشل میڈیا پرتنقید کے بعد ان سے تعلیم کی وزارت واپس لے کر ان کو محکمہ بلدیات دیا گیا۔