سبی، کوئٹہ (،نامہ نگار، مانیٹرنگ ڈیسک) ہرنائی کے علاقہ شاہرگ میں ایف سی کی گاڑی کے قریب بارودی سرنگ کے دھماکہ کے نتیجہ میں ایک اہلکار شہید اور5 زخمی ہو گئے ۔لیویز ذرائع کے مطابق ایف سی ٹیم شاہرگ میں معمول کے گشت پر تھی کہ سڑک کنارے نصب بارودی سرنگ پھٹ گئی۔ دھماکہ کے نتیجہ میں گاڑی کو بھی نقصان پہنچا ۔ شہید کا جسدخاکی اور زخمیوں کو قریبی ہسپتال منتقل کردیا گیا جبکہ سکیورٹی فورسز نے علاقہ کو گھیرے میں لے کر سرچ آپریشن شروع کر دیا ہے ۔