لاہور( کلچرل رپورٹر) کامیڈی سٹار سخاوت ناز کی بطور ہیرو پہلی فلم ’’گول گپو‘‘سینماؤں کی زینت بننے کیلئے تیار،طنزو مزاح اوررومانس سے بھرپور فلم اٹھارہ مارچ کو ڈسٹری بیوشن کلب کے زیر اہتمام ریلیز ہوگی۔ٹی وی، تھیٹر اور لائیو پرفارمنس کے ورسٹائل کامیڈی فنکار سخاوت ناز پردہ سیمیں پربھی شائقین کو ہنسانے کیلئے تیار ہیں اور سخاوت ناز کی بطور ہیرو پہلی فلم ’’گول گپو‘‘آئندہ ماہ کی اٹھارہ تاریخ کو سرکٹ بھر میں نمائش کیلئے پیش کی جائے گی۔کاسٹ میں زارا نور، روحی خان، اشرف خان، احمد عبدالرحمان، زونیرہ ماہم، رضیہ ملک،عالیہ بخاری اور لبنیٰ بٹ سمیت دیگر شامل ہیں۔