میڈرڈ(مانیٹرنگ ڈیسک ) سپین میں 2 نقاب پوش مسلح افراد نے مسجد پر فائرنگ کر دی جس کے نتیجے میں مسجد کی عمارت کو نقصان پہنچا۔ بین الاقوامی خبر رساں ادارے کے مطابق سپین کے خودمختار شہر سبتہ کی ایک مسجد پر موٹرسائیکل سوار 2 نقاب پوش مسلح افراد فائرنگ کرکے فرار ہوگئے ،3 گولیاں مسجد کی دیواروں سے ٹکرائیں۔فائرنگ کے وقت مسجد میں نمازی موجود تھے تاہم تمام افراد محفوظ رہے ، پولیس نے مقدمہ درج کرکے ملزمان کی گرفتاری کے لیے چھاپہ ہمار کارروائی کا آغاز کر دیا تاہم تاحال کسی قسم کی گرفتاری عمل میں نہیں لائی گئی ۔ شہر میں مسجد پر فائرنگ کا یہ پہلا واقعہ ہے جس کے بعد مسلم کمیونٹی میں خوف و ہراس پھیل گیا، انتظامیہ نے مسلم برادری کے جذبات مجروح ہونے پر معذرت کرتے ہوئے تحفظ کی یقین دہانی کرائی ہے ۔