لاہور(خصوصی نمائندہ،92نیوز رپورٹ،صباح نیوز)وزیر اطلاعات پنجاب فیاض الحسن چوہان نے کہا ہے کہ شہباز شریف کو کورونا ٹیسٹ منفی آنے پر دلی مبارک باد پیش کرتا ہوں، ن لیگ کے صدرجس دھج سے ریلیف لینے عدالت گئے ، امید ہے نیب میں بھی حاضر ہونگے ۔فیاض الحسن چوہان نے کہا ہے کہ شہباز شریف کو کورونا ٹیسٹ منفی آنے پر مبارک باد پیش کرتا ہوں، لیگی صدر ڈرنا چھوڑیں اور فرنٹ فٹ پر آکر اپنا کردار ادا کریں۔انہوں نے کہا کہ رہنمائی چاہئے تو عثمان بزدار کی بہترین پرفارمنس سے لے لیں، امید ہے شہباز شریف پورے ملک میں کورونا کے خلاف جدوجہد کرتے نظر آئیں گے ۔