کراچی (کا مرس رپورٹر )سارک چیمبر آف کامرس اینڈ انڈسٹری کے سینئر نائب صدر اور یونائٹڈ بزنس گروپ کے مرکزی چیئرمین افتخار علی ملک نے پاکستان تحریک انصاف کے چیئرمین عمران خان کو وزیراعظم کا عہدہ سنبھالنے پر مبارکباد دیتے ہوئے اس امید کا اظہار کیا ہے کہ ان کی حکومت میں اقتصادی خوشحالی کا دور دورہ ہوگا اور ملک درست سمت میں گامزن ہوگا۔ اپنے بیان میں افتخار علی ملک نے کہا کہ تمام ترقی یافتہ ممالک کاروباری برادری کی مشاورت کے ساتھ اقتصادی اور معاشی پالیسیاں تیار اور ان پر عملدرآمد کرتے ہیں اور امید ہے کہ تحریک انصاف پاکستان بھی اس ضمن میں منطقی اور عملی طریق کار اختیار کرے گی۔ انہوں نے کہا کہ ملکی صنعت کو توانائی بحران کا سامنا ہے اور امید ہے کہ نئی منتخب حکومت پائیدار معاشی ترقی کے لئے بجلی اور گیس کی مسلسل فراہمی کو یقینی بنانے کے لئے اقدامات اٹھائے گی اور مالیاتی پالیسیوں کو قانونی تحفظ فراہم کرے گی۔ انہوں نے کہا کہ ایک طرف قرضوں کا بوجھ بڑھ رہا ہے تو دوسری طرف بدعنوانی بھی ترقی کی رفتار کو متاثر کر رہی ہے ۔ بد قسمتی سے حکومتی امور میں کرپشن کے حوالے سے پاکستان عالمی سطح پر 180 ممالک میں 117 ویں نمبر پر ہے مگر مالی بدعنوانی سے نمٹنے کے لئے نہ ہونے کے برابر اقدامات اٹھائے گئے ہیں۔ انہوں نے کہا کہ تحریک انصاف کی حکومت کو میگا کرپشن سکینڈلز میں ملوث عناصر کے خلاف بلا امتیاز جنگ کو اپنی ترجیح بنانا ہوگا۔ انہوں نے کہا کہ عوام کو پی ٹی آئی حکومت کے ساتھ بہت زیادہ امیدیں وابستہ ہیں اور عمران خان اس سلسلے میں قوم کو مایوس نہیں کریں گے ۔
عمران کی حکومت میں اقتصادی خوشحالی آئیگی ‘افتخار علی ملک
اتوار 19 اگست 2018ء
کراچی (کا مرس رپورٹر )سارک چیمبر آف کامرس اینڈ انڈسٹری کے سینئر نائب صدر اور یونائٹڈ بزنس گروپ کے مرکزی چیئرمین افتخار علی ملک نے پاکستان تحریک انصاف کے چیئرمین عمران خان کو وزیراعظم کا عہدہ سنبھالنے پر مبارکباد دیتے ہوئے اس امید کا اظہار کیا ہے کہ ان کی حکومت میں اقتصادی خوشحالی کا دور دورہ ہوگا اور ملک درست سمت میں گامزن ہوگا۔ اپنے بیان میں افتخار علی ملک نے کہا کہ تمام ترقی یافتہ ممالک کاروباری برادری کی مشاورت کے ساتھ اقتصادی اور معاشی پالیسیاں تیار اور ان پر عملدرآمد کرتے ہیں اور امید ہے کہ تحریک انصاف پاکستان بھی اس ضمن میں منطقی اور عملی طریق کار اختیار کرے گی۔ انہوں نے کہا کہ ملکی صنعت کو توانائی بحران کا سامنا ہے اور امید ہے کہ نئی منتخب حکومت پائیدار معاشی ترقی کے لئے بجلی اور گیس کی مسلسل فراہمی کو یقینی بنانے کے لئے اقدامات اٹھائے گی اور مالیاتی پالیسیوں کو قانونی تحفظ فراہم کرے گی۔ انہوں نے کہا کہ ایک طرف قرضوں کا بوجھ بڑھ رہا ہے تو دوسری طرف بدعنوانی بھی ترقی کی رفتار کو متاثر کر رہی ہے ۔ بد قسمتی سے حکومتی امور میں کرپشن کے حوالے سے پاکستان عالمی سطح پر 180 ممالک میں 117 ویں نمبر پر ہے مگر مالی بدعنوانی سے نمٹنے کے لئے نہ ہونے کے برابر اقدامات اٹھائے گئے ہیں۔ انہوں نے کہا کہ تحریک انصاف کی حکومت کو میگا کرپشن سکینڈلز میں ملوث عناصر کے خلاف بلا امتیاز جنگ کو اپنی ترجیح بنانا ہوگا۔ انہوں نے کہا کہ عوام کو پی ٹی آئی حکومت کے ساتھ بہت زیادہ امیدیں وابستہ ہیں اور عمران خان اس سلسلے میں قوم کو مایوس نہیں کریں گے ۔
آج کے کالم
یہ خبر روزنامہ ٩٢نیوز میں اتوار 19 اگست 2018ء کو شایع کی گی
آج کا اخبار
-
پیر 25 دسمبر 2023ء
-
پیر 25 دسمبر 2023ء
-
منگل 19 دسمبر 2023ء
-
پیر 06 نومبر 2023ء
-
اتوار 05 نومبر 2023ء
اہم خبریں