کراچی (کلچرل رپورٹر) عید کے ساتھ ہی شوبز انڈسٹری میں شادی اور منگنی کا سلسلہ چل پڑا، اداکارہ سجل علی اور احد رضا میر کی منگنی کے بعد فیشن ماڈل ثنا سرفراز کی بھی شادی ہوگئی۔ عید کے دوسرے روز ہونے والی شادی کی تصویر کو انہوں نے ایک دن بعد سوشل میڈیا پر شیئر کیا۔ ثنا سرفراز نے رواں برس اپریل میں دبئی میں مقیم امین قریشی سے منگنی کی تھی جو کہ انتہائی سادگی سے سرانجام پائی گئی ۔ منگنی کی بھی تصاویر سوشل میڈیا پر ماڈل ثنا سرفراز سے شیئر کی تھی ۔ ثناء سرفراز کے شوہر دبئی میں سول ایوی ایشن کے شعبے سے منسلک ہیں ۔ ذرائع کے مطابق ماڈل ثنا سرفراز کی شادی منگنی کی طرح انتہائی سادگی سے ہوئی ۔