کراچی( نیٹ نیوز) پاکستان کرکٹ ٹیم کے سابق کپتان شاہد آفریدی نے کورونا میں مبتلا بچن خاندان کے لیے نیک خواہشات کا اظہارکیا ہے ، بھارت کے معروف اداکار امیتابھ بچن گزشتہ روز کورونا وائرس میں مبتلا ہوئے جس کے بعد ان کے بیٹے ابھیشیک بچن، بہو ایشوریا رائے بچن اور پوتی آرادھیا بچن کا کورونا ٹیسٹ بھی کیا گیا جو کہ مثبت آیا، بچن فیملی کے لیے دنیا بھر سے نیک خواہشات کے پیغامات آ رہے ہیں ، کرکٹ سٹار شاہد خان آفریدی نے بھی ایک ٹویٹ میں سینئر اور جونیئر بچن کی جلد صحت یابی کے لیے دعا کی ۔یاد رہے شاہد آفریدی خود بھی حال ہی میں کورونا وائرس میں مبتلا ہونے کے بعد صحتیاب ہوئے ہیں، آفریدی 24 روز تک قرنطینہ میں رہے ۔