سان فرانسسکو( نیٹ نیوز) عالمی یومِ ایموجی کے موقع پر فیس بک، گوگل اور ایپل نے انسانی رویوں اور خیالات کے اظہار کے لیے درجنوں نئے ایموجی پیش کر دئیے ۔ تینوں کمپنیوں نے محسوس کیا کہ کئی ماہ کے لاک ڈاؤن اور گھروں تک مقید رہنے کے دوران عوام الناس نے اپنے پیاروں سے آن لائن رابطہ کیا اور اس واحد ذریعے میں اپنے اظہار کی تلاش کے لیے انہیں گرافکس اور ایموجی درکار ہیں ۔ اسی بنا پر تینوں کمپنیوں نے درجنوں نئے ایموجی پیش کئے ہیں جو ہمارے جذبات کی ترجمانی کو آسان بناتے ہیں۔ ایک تحقیق کے مطابق سوشل میڈیا اور فون کے 92 فیصد صارفین کسی نہ کسی سطح پر ایموجی ضرور استعمال کرتے ہیں، جبکہ بعض افراد ہر قسم کی گفتگو میں ان کا عام استعمال کرتے ہیں ۔