لاہور(کامرس رپورٹر)محکمہ زراعت پنجاب کسی بھی ایمرجنسی صورتحال میں زرعی منڈیوں سے اشیائے خورو نوش کی فراہمی یقینی بنائے گا۔ کسی بھی ہنگامی صورتحال میں بلا تعطل زرعی منڈیوں سے اشیائے خوردونوش کی فراہمی کو یقینی بنانے کیلئے محکمہ زراعت پنجاب نے مکمل پلان تیار کر لیا ہے ۔ یہ بات اسپیشل سیکرٹری زراعت (مارکیٹنگ) وقار حسین نے ایک اجلاس کی صدارت کرتے ہوئے کہی۔ انھوں نے مزید کہا کہ کرونا وائرس کی صورتحال میں زرعی منڈیاں معمول کے مطابق اپنا کام سرانجام دیں گی۔