میڈرڈ( نیٹ نیوز) سپین کی ایک جیل میں بے ہوش ہونے والے قیدی کو مردہ قرار دیدیا گیا لیکن ہسپتال میں پوسٹمارٹم سے چند لمحے قبل وہ زندہ ہوگیا۔ واقعہ آسٹوریاس جیل میں پیش آیا ۔ ہسپانوی جیل کے ترجمان کے مطابق ہسپتال میں دو ڈاکٹروں نے قیدی گونزالو مونڈویا جمنیز کی موت کی تصدیق کی جس کے بعد عدالت نے ایک فرانزک ڈاکٹر بھیجا جس نے قیدی کی موت کی حتمی تصدیق کی جبکہ اچانک مردہ خانے میں بیگ میں رکھے قیدی کے دل نے دھڑکنا شروع کر دیا جس پر سب حیران رہ گئے ۔