جکارتہ(ویب ڈیسک) انڈونیشیا میں 6 سال سے گردن میں موٹرسائیکل کا ٹائرلے کرتیرنے والے مگرمچھ کوبالآخر ٹائرسے آزادی مل گئی۔جانوروں سے متعلق تنظیموں اورمقامی افراد نے متعدد بارمگرمچھ کے گلے سے ٹائرنکالنے کی کوششیں کیں لیکن ناکام رہے ۔مقامی لوگوں میں ’’ہاروالا مگرمچھ ‘‘ کے نام سے مشہورمگرمچھ کے گلے سے ٹائرنکالنے کے انتظامیہ نے انعام کا اعلان بھی کیا تھا لیکن کوئی بھی ٹائرنہ نکال سکا۔ہربارجال سے بچ نکلنے والا مگرمچھ بلآخر اب جال میں پھنس گیا جس کی گردن سے ٹائرنکال کراسے واپس دریا میں چھوڑدیا گیا ہے ۔