لاہور(سپورٹس رپورٹر)قومی خواتین کرکٹ ٹیم دس ماہ کی بریک کے بعد آج سے دوبارہ انٹرنیشنل کرکٹ کا آغاز کرے گی۔ ڈربن میں موجود قومی خواتین کرکٹ ٹیم ون ڈے انٹرنیشنل سیریز میں میزبان جنوبی افریقہ کے مدمقابل آئے گی۔ قومی خواتین کرکٹ ٹیم نے اس سے قبل اپنا آخری انٹرنیشنل میچ آسٹریلیا میں کھیلے گئے آئی سی سی ویمنز ٹی ٹونٹی کرکٹ ورلڈکپ 2020 میں کھیلا تھا،جس کے بعد کورونا وائرس کی وجہ سے خواتین کرکٹ کی سرگرمیاں معطل ہوگئی تھیں۔قومی خواتین کرکٹ ٹیم کی قیادت جویریہ خان کررہی ہیں۔