لاہور(میاں شاہد ندیم )شریف خاندان نے جج ارشد ملک کے خلاف لاہورہائیکورٹ کی انتظامی کمیٹی کے فیصلے کے باوجود فوری اپیل نہ کرنے کا فیصلہ کیاہے ،ذرائع کے مطابق نواز شریف کی متعلقہ سزا پر اپیل میں ہی اس فیصلے کے نکات کو اٹھانے کا فیصلہ کیا گیاہے ،قانونی ٹیم نے نواز شریف کی سزا معطلی کیلئے جلد بازی سے اجتناب کا مشورہ دیا،شہباز شریف نے گزشتہ روز پارٹی رہنماؤں اور وکلاء سے ملاقاتیں کرکے اس معاملے پرمشاورت کی ،نواز شریف کی اپیل ستمبر کے بعد لگنے کا امکان ہے ۔