لاہور،اسلام آباد(نامہ نگار،سٹاف رپورٹر، مانیٹرنگ ڈیسک) سابق وزیر اعظم نواز شریف کی درخواست ضمانت مستردہونے پران کی صاحبزادی مریم نواز نے ردعمل میں کہاکہ نوازشریف کسی جرم کی سزا نہیں بلکہ عوام کی آواز بننے کی سزا بھگت رہے ہیں۔اپنی ٹویٹ میں مریم نواز نے کہاکہ نوازشریف کی قربانیاں جتنی سخت ہیں ان کا پھل بھی اتنا ہی میٹھا ہوگا اور یہ پھل قوم کی آنے والی نسلوں کے لئے ہے ،میں ایک بار پھر کہتی ہوں کہ نوازشریف آپ کا سر جھکنے نہیں دیں گے ، یہ جدوجہد آپ کے لیے ہے ۔