لندن( نیٹ نیوز) بچے تو سب ہی کو پیارے لگتے ہیں اور ان سے انسان تو انسان جانور بھی جلد ہی مانوس ہوجاتے ہیں، اگر یقین نہیں آرہا تو اس ویڈیو میں ہی دیکھ لیں کہ کس طرح ایک خونخوار تیندوا چھوٹے بچے کے ساتھ کھیلنے میں مصروف نظر آرہا ہے ۔جی ہاں سوشل میڈیا پر ایک ویڈیو وائرل ہورہی ہے جس میں ایک تیندوے اور بچے کو ایک ساتھ کھیلتے ہوئے دیکھا جاسکتا ہے ۔ویڈیوز میں دیکھا جاسکتا ہے کہ شیشے کے پنجرے میں قید ایک تیندوا بچے کے ساتھ ہاتھ ہلانے کا مقابلہ کر رہا ہے۔